Dövlət İpoteka Krediti ( Güzəştli )

Xəyalınızdakı evə gedən yolda Ziraat Bank Azərbaycan dəstəyini hiss edin!

Ziraat Bank Azərbaycan olaraq Azərbaycan Respublikasının İpoteka və Kredit Zəmanət fondunun (ARİKZF) vəsaiti hesabına verilən güzəştli ipoteka kreditini təklif edirik. Zəmanətli və zəmanətsiz olaraq təqdim edilən güzəştli ipoteka kreditləri üzrə ilkin ödəniş 15% -dən başlayır. 100 000 AZN məbləğində 3 ildən 30 ilədək təqdim edilən zəmanətli güzəştli ipoteka krediti ilə illik cəmi 3.7 %, zəmanətsiz güzəştli ipoteka krediti ilə isə illik cəmi 4 % ödəməklə Siz ev sahibi ola bilərsiniz.

  • Zəmanətli ipoteka kreditindən istifadə etmək üçün ipoteka məbləği üzrə Fond tərəfindən müəyyən edilmiş müvafiq zəmanət haqqı ödənilməlidir (Zəmanət haqqı üzrə tarif dərəcələri növbəti linkdə yerləşdirilmişdir: http://mcgf.gov.az/menu/68 )
  • Güzəştli ipoteka kreditinin alınması üçün müraciətlər yalnız Elektron Hökümət Portalı (www.e-gov.az) vasitəsilə mümkündür. Müraciət zamanı qeydiyyatdan keçə bilməyiniz üçün Elektron İmza Tokeni (www.e-imza.az) və ya ASAN imza (www.asanimza.az) əldə etməyiniz mütləqdir.
  • Güzəştli ipoteka kreditinin alınması məqsədilə müraciətə dair istifadəçi təlimatı üçün: https://www.e-gov.az/home/getfile/2300
  • Güzəştli ipoteka kreditindən istifadə etmək hüququ olan ailə və ya şəxs bu hüquqdan yalnız bir dəfə istifadə edə bilər.
  • İllik faiz dərəcəsi min 3.70%, FİFD min. 3.70%, müddət max. 30 il

Siz də xəyalınızdakı evə sahib olmaq  istəyirsinizsə  filiallarımıza yaxınlaşaraq və ya *9229 qısa nömrəsinə zəng edərək  məlumat əldə edə bilərsiniz!

 

Dövlət İpoteka krediti (güzəştli) aldığınız zaman bədbəxt hadisə və ya xəstəlik baş verdiyi halda (vəfat və əmək qabiliyyətinin itirilməsi) ailənizi borc yükündən qorumaq üçün həyat sığortası əldə etməyinizi tövsiyyə edirik. 
Borcalanın həyat sığortası haqqında qısa məlumat:
Bu sığorta növü, borcalanın həyatının ölüm halından və əmək qabiliyyətinin itirilməsi hallarından könüllü sığorta üzrə fiziki şəxslərə tətbiq edilir. Qeyd edilən sığorta növü üzrə verilən sığorta təminatı borcalanın seçdiyi sığortaçının tətbiq etdiyi şərtlərə əsasən fərqlənə bilər.
Sığorta müqaviləsi qüvvədə olduqda və sığorta hadisəsi baş verdikdə (şəxsin ölümü və ya əmək qabiliyyətinin itirilməsi), sığortaçı borclunun banka olan kredit borcu üzrə sığorta ödənişini sığorta müqaviləsində müəyyən edilmiş şərtlər daxilində banka ödəyir. 
Sığorta qaydaları ilə tanış olmaq üçün link: https://e-qanun.az/framework/56958 

 

Şərtlər

  • Kredit Azərbaycan Respublikasının vətəndaşına verilməlidir
  • Kreditin son ödəniş tarixinə borcalanın (borcalanların) yaşı qanunvericiliklə müəyyən olunmuş pensiya yaşı həddindən çox olmamalıdır
  • İpoteka kreditləri fərdi yaşayış evlərinin, bağ evlərinin və 01 yanvar 1970-ci il tarixindən sonra inşa edilmiş çoxmənzilli binalarda yerləşən mənzillərin alınmasına verilir  
  • Kreditə alınmış yaşayış sahəsi təminat qismində çıxış edir
  • Eyni ipoteka krediti üzrə borcalanlar qismində yalnız yaxın ailə üzvləri – ər/arvad, bacı və qardaş, övlad və valideynlər, baba və nənələr çıxış edə bilər
  • Bir şəxs eyni vaxtda yalnız 2 ipoteka krediti üzrə borcalan qismində çıxış edə bilər
  • Kredit üzrə əsas borc və hesablanmış faizlər hər ay bərabər hissələrlə (annuitet ödənişlər) ödənilməlidir
  • İpoteka ilə yüklü edilmiş daşınmaz əmlakın bazar qiyməti əsas götürülərək ipoteka ilə təmin edilən kreditin həcmindən az olmamaq şərtilə sığortalanmalıdır
  • ARİKZF tərəfindən müəyyən olunan digər tələblər 

Tələb Olunan Sənədlər

  • Borcalanın (borcalanların) şəxsiyyətini təsdiq edən sənəd və sənədin surəti;
  • Nikah (və ya nikahın pozulması) haqqında şəhadətnamə və sənədin surəti; Subay olduğu halda subaylıq haqda arayış;
  • Borcalanın (borcalanların) yetkinlik yaşına çatmamış ailə üzvlərinin şəxsiyyət vəsiqələri və ya doğum haqqında şəhadətnamələri və həmin sənədlərin surəti;

Borcalanın (borcalanların) iş yerini və gəlirlərini təsdiq edən sənədlər;

  • Şəxsin güzəştli kateqoriyaya aid olduğunu təsdiq edən sənəd (şəxs güzəştli kateqoriyaya aid olduqda).
  • Borcalan güzəştli kateqoriyaya aid olduqda əlavə olaraq təqdim olunmalı sənədlər:
  • Borcalanın güzəştli kateqoriyaya aid olmasını təsdiq edən sənəd.

Borcalan (borcalanlar) fərdi sahibkar olduqda:

  • Sahibkarın vergi orqanlarında qeydiyyatdan keçdiyi barədə şəhadətnamənin surəti;
  • Vergi orqanları tərəfindən qəbul olunmuş gəlir vergisi və ya sadələşdirilmiş vergi bəyannaməsi.

Güzəştli İpoteka krediti üçün aşağıdakı şəxslər müraciət edə bilər

Yaşı 35-dən Çox Olmayan Gənc Ailə Üzvləri

  • Şəhid ailəsinin üzvü (əri/arvadı, övladları);
  • Azərbaycan Respublikasının Vətən Müharibəsi Qəhrəmanı (özü, əri/arvadı, övladları);
  • Azərbaycanın Milli Qəhrəmanı (özü, əri/arvadı, övladları);
  • Məcburi köçkün və ya ona bərabər tutulan şəxs;
  • Ən azı 3 il dövlət qulluğunda qulluq edən, o cümlədən dövlət qulluğunun xüsusi növündə xidmət keçən şəxs;
  • Ən azı 3 il dövlət ümumtəhsil müəssisəsində müəllim işləyən şəxs;
  • Fəlsəfə doktoru elmi dərəcəsi olan şəxs;
  • İdman sahəsində xüsusi xidmətləri olan şəxs (fəxri bədən tərbiyəsi və idman xadimi, ölkə miqyaslı yarışların qalibi (I yer), beynəlxalq miqyaslı yarışların mükafatçısı (I, II və ya III yer).

 

Yaşından və Ailə Vəziyyətindən Asılı Olmayaraq Digər Şəxslər

  • Elmlər doktoru elmi dərəcəsi olan şəxs
  • Ən azı 15 il dövlət qulluğu və onun xüsusi növündə xidmət keçən şəxs
  • Ən azı 3 il həqiqi hərbi xidmətdə olan şəxs
  • Ən azı 3 il həqiqi hərbi xidmətdə olan və ehtiyata və ya istefaya buraxılmış Azərbaycan Respublikasının hərbi qulluqçuları
  • Ən azı 3 il elmi vəzifədə işləyən elmi işçilər
  • Ən azı 3 il daxili işlər orqanlarında xidmət keçən xüsusi rütbəsi olan şəxs
  • Ən azı 15 il dövlət ümumi təhsil müəssisəsində müəllim işləyən şəxs.