Akkreditiv

Xarici Ticarət Əməliyyatlarınız, Akkreditivli Ödəniş üsulu ilə Ziraat Zəmanətində!

Akkreditiv - xarici ticarət əməliyyatları üzrə ümumi qəbul olunmuş ödəniş üsullarından biridir və dünyanın bir çox ölkələrində mövcud olan daha təhlükəsiz, şərtli və nağdsız hesablaşma formasıdır. Hesablaşmanın bu forması həm mal və ya xidmət satıcısının, həm də alıcının maraqlarını yüksək dərəcədə qoruyur. Satıcı tərəfindən göndərilən malın alıcının mülkiyyətinə keçməsi və digər tələb olunan şərtlərin yerinə yetirilməsi haqqında sənəd təqdim edildikdə bank (emitent) ödənişin satıcının hesabına həyata keçirilməsini təmin edir.

Akkreditivin növləri:

• Təsdiq olunmamış akkreditiv (Unconfirmed LC) - Ödənişin aparılmasına yalnız akkreditivi açan bank məsuliyyət daşıyır.
• Təsdiq olunmuş akkreditiv (Confirmed LC) - Emitent bankın öhdəliyinə əlavə olaraq, akkreditiv üzrə öhdəliyin yerinə yetirilməsinə satıcının bankı və ya digər vasitəçi bank öhdəlik daşıyır.
• Geri çağırılmayan akkreditiv (Irrevocable LC) -  Vəsait alana qabaqcadan bildirmədən emitent bank tərəfindən dəyişdirilə ya ləğv edilə bilinməyən akkretidivdir. Bu zaman geri çağrılmayan akkreditiv emitent bankın qəti öhdəliyidir.
• Qırmızı şərtli akkreditiv (Red Clause LC) - Satıcıya malı göndərməzdən və tələb olunan sənədləri təqdim etməzdən əvvəl akkreditivin müəyyən hissəsi qədər avans ödənişi almağa imkan verir.
• Rezervli Akkreditiv (Standby Letter of credit) - Prinsipinə görə Qarantiya məktubları ilə yaxın olan bu akkreditiv növü satıcı və alıcı üçün daha sərbəst əməkdaşlıq imkanları yaradır. Başqa sözlə desək, Rezervli akkreditivi açan bank, akkreditivin prinsipialı olan müştərinin (Aplikant) akkreditivdən faydalanan şəxs (Benefisiar) qarşısında götürdüyü öhdəliyi yerinə yetirmədikdə, bank ödənişin edilməsində məsuliyyət daşıyır.

Təqdim olunan xidmətlər:

• Akkreditivin açılması, təsdiqi, avizo edilməsi, sənədlərin yoxlanması və digər əməliyyatların icrası;  
• Akkreditiv ilə bağlı müştərilərə konsultasiya xidmətlərin göstərilməsi;
• Digər banklar tərəfindən açılan akkreditivlərin Benefisiara avizo olunması;
• Müştərilər Akkreditivlər üzrə bank komissiyalarını əvvəlcədən və ya müəyyən edilmiş dövrlərdə ödəyə bilməkdədir. 

Alıcı üçün akkreditivin üstünlükləri:

• Pul vəsaitlərinin itirilməsi riskinin aradan qalxması;
• Göndərilən malın akkreditivdə nəzərdə tutulan müddətdə və və akkreditivdə qeyd olunmuş şərtlərə uyğun qaydada alıcının mülkiyyətinə keçməsi;
• Akkreditivi açan bank alıcının akkreditivlə bağlı bütün maliyyə məsuliyyətini öz üzərinə götürür.

Satıcı üçün akkreditivin üstünlükləri:

• Müştəri üçün yeni ticarət əlaqələrinin qurulması üstünlüyü;
• Malın alıcıya təhvil verilməsindən əvvəl ödənişin həyata keçirilməsi imkanı ( Akkreditivdə qeyd olunan öhdəliklər tam yerinə yetirildikdə);
• Satıcı üçün yeni bazarlar və müştərilərlə güvəndə işləmək imkanı verir. Bu, iflas və təsdiq əlavəsi halında ölkə risklərini əhəmiyyətli dərəcədə azaldır;
• Alıcının ödəniş qabiliyətinin və ya istəyin olmaması halında yaranacaq riskin qarşısı alınaraq satıcıya ödənişin olunması üstünlüyü.

Bankımızın xarici ticarət sahəsində fəaliyyətinin nəticəsi olaraq, beynəlxalq işgüzar  “Global Finance" jurnalının əsaslı seçim prosesinin nəticəsinə əsasən, Ziraat Bank Azərbaycan 2022-2023-cü illərdə Azərbaycanda “İlin ən yaxşı xarici ticarət xidmətini təqdim edən bank" mükafatının qalibi elan edilmişdir. Bu haqda məlumat jurnalın rəsmi saytında açıqlanıb. 

Əlavə suallarınız yarandığı təqdirdə *9229 müştəri əlaqə mərkəzimiz və ya callcenter@ziraatbank.az elektron poçtu vasitəsilə bizimlə əlaqə saxlaya bilərsiniz.