Banka müraciət etmək üçün mümkün vasitələr
Müştərilərimiz aşağıdakı formalarda Banka müraciət edə bilərlər:
Şifahi müraciət formasında:
- həftənin I-V günləri (qeyri-iş günləri istisna olmaqla) saat 9:00-dan 18:00-a kimi Bankın filiallarına yaxınlaşmaqla;
- birbaşa olaraq (012) 505 56 16 nömrəsinə zəng etməklə.
Yazılı müraciət formasında:
- Yazılı müraciəti Bankın Baş ofisinə və filialına birbaşa təqdim etməklə;
- Bankın Bakı şəhəri, AZ1122, Yasamal rayonu, Həsən bəy Zərdabi prospekti, ev 191 ünvanına göndərməklə;
- Bankın info@ziraatbank.az elektron poçt ünvanına göndərməklə;
- Bankın https://ziraatbank.az/az saytındakı “İstehlakçı Müraciətləri" bölməsində yerləşdirilən formu doldurmaqla.
- Bankın sosial şəbəkələrdə rəsmi səhifələrində qeyd etməklə.
Müraciətlərin cavablandırılması müddətləri
Banka daxil olmuş istehlakçı müraciətləri ən geci 10 iş günü ərzində cavablandırılır. İstehlakçıların müraciətləri əlavə araşdırma tələb edirsə, müraciətlərin cavablandırılması 20 iş gününədək uzadıla bilər. Bu zaman, istehlakçıya araşdırmanın gecikmə səbəbləri, atılacaq növbəti addımlar və cavabın hazır olacağı son tarix aydın şəkildə izah olunur. Araşdırma zamanı əlavə sənədlərin təqdim olunması tələb olunursa, bununla bağlı istehlakçıya məlumat verilir, sənədlərin təqdim olunması üçün son tarixlər göstərilir.
İstehlakçıların müraciətləri ilə bağlı Mərkəzi Bankın sorğuları 4 iş günü ərzində araşdırılır və Mərkəzi Banka cavab göndərilir. Mərkəzi Bank müraciətlərin daha qısa müddətdə cavablandırılmasını tələb etdikdə sorğuda göstərilmiş müddətdə cavabın göndərilməsi təmin edilir. Mərkəzi Bank tərəfindən istehlakçıların məlumatlandırılması tələb olunarsa, müraciətlərə baxılması və cavablandırılması ən geci 10 iş günü, əlavə araşdırma tələb etdiyi halda ən geci 20 iş günü ərzində həyata keçirilir.
İstehlakçı müraciətləri ilə bağlı növbəti mərhələlər
İstehlakçılar müraciətləri ilə bağlı bankın cavabı ilə razılaşmadıqda və şikayətin yenidən araşdırılması məqsədilə:
- Banka yenidən müraciət edə bilərlər
- Mərkəzi Banka müraciət edə bilərlər
- Məhkəməyə müraciət edə bilərlər
Mərkəzi Bankın əlaqə məlumatları
Ünvan:AZ1014, Azərbaycan Respublikası, Bakı şəh., R.Behbudov küç. 32,
Tel:(+994 12) 493 11 22
Faks :(+994 12) 493 55 41
Qaynar xətt :(+994 12) 966
E-Mail:mail@cbar.az
Bankdaxili qaydalar və qısa icmal
İstehlakçıların müraciətləri ilə bağlı Mərkəzi Bankın və digər dövlət qurumlarının sorğuları Bankın rəhbərliyinə və ya hər hansı struktur bölməsinə və ya filialına daxil ola bilər. Sorğunun məzmunundan asılı olaraq Müştəri Münasibətləri bölməsi tərəfindən icraçı struktur bölmələr müəyyən olunur, müraciət icra üçün təqdim edilir və icrasına nəzarət olunur.
Bankın web səhifəsindən daxil olan müraciətlər: info@ziraatbank.az elektron ünvanı vasitəsi ilə birbaşa Banka daxil olur. Filiala daxil olan şikayətlər filial müdiri və ya filialın müvafiq əməkdaşı tərəfindən qəbul edilir və müvafiq struktur bölməsinə göndərilir.
Sosial şəbəkələrdən daxil olan şikayətlər isə Satış və Marketinq departamenti tərəfindən qəbul edilir və Müştəri Münasibətləri bölməsinə yönəldilir.
Müraciətlərin baxılması və cavablandırılması üzrə Bankdaxili qaydalar