Pandemiya zamanı banklar arasında sahibkarlara və fiziki şəxlərə ən çevik reaksiya göstərən banklardan biri olan “Ziraat Bank Azərbaycan” ASC müştərilərinə daha bir güzəşt etməyi qərara aldı.
Belə ki, 2020-ci ilin sonuna qədər müqavilə üzrə müddəti bitməsi nəzərdə tutulan, ödənişlərini məhsuliyyətli və vaxtında icra edən, milli valyutada fiziki şəxslərə verilmiş təminatsız istehlak kreditlərin faizlərinə Bank tərəfindən güzəşt tətbiq edilmişdir. Müştərilərə verilmiş kreditlər üzrə yerdə qalan müddət ərzində ödəməli olduğu faizlər müştərilərdən tələb olunmayacaqdır.Müştərilərdən yalnız müqavilədə qeyd olunan tarixlərdə əsas məbləğin ödənişi tələb olunacaqdır.
Müştərilərinin bu çətin vaxtda yanında olan “Ziraat Bank Azərbaycan” ASC, “Biz Birlikdə Güclüyük” şüarını əsas götürərək addımlar atır və müştərilərinin rifahını düşünərək, banka olan etibarı yüksək qiymətləndirir.
Korporativ və pərakəndə bankçılıq sahəsində məhsulları və xidmətləri təklif edən “Ziraat Bank Azərbaycan” ASC-nin ölkə ərazisində Bakı,Gəncə və Sumqayıt şəhərlərində yerləşən 4 filialı mövcuddur və cari il ərzində filialları sayını 2 dəfəyə yaxın artırmağı planlaşdırır. Bank, məhsulları və xidmətləri haqqında ətraflı məlumatı *9229 Məlumat Mərkəzinə zəng edərək, https://ziraatbank.az/az saytına və ya bankın sosial şəbəkələrdəki rəsmi səhifələrindən əldə edə bilərsiniz.